កូរ៉េខាងត្បូង.នៅថ្ងៃអង្គារទី៥ ខែឧសភា ឆ្នាំ២០២៦ បាននិយាយថា ខ្លួននឹងពិនិត្យឡើងវិញជុំវិញការចូលរួមប្រតិបត្តិការរបស់សហរដ្ឋអាមេរិកនៅច្រកសមុទ្រ Hormuz។
បន្ទាប់ពីលោក ត្រាំ ទទូចឱ្យទីក្រុងសេអ៊ូល ចូលរួមក្រោយកប៉ាល់១គ្រឿងរបស់កូរ៉េខាងត្បូង បានរងការវាយប្រហារពីអ៊ីរ៉ង់..!។
សារព័ត៌មាន AFP។
អគ្គិភ័យត្រូវបានរាយការណ៍ នៅលើកប៉ាល់ដឹកទំនិញកូរ៉េខាងត្បូង១គ្រឿង កាលពីថ្ងៃចន្ទ នៅច្រកសមុទ្រ Hormuz ។
ដែលត្រូវបានបិទខ្ទប់ចាប់តាំងពីសង្រ្គាមមជ្ឈិមបូព៌ា ផ្ទុះឡើងកាលពីថ្ងៃទី២៨ ខែកុម្ភៈ។
នៅថ្ងៃអង្គារទី០៥នេះ ក្រសួងការបរទេសកូរ៉េខាងត្បូង បាននិយាយថា នាវិកទាំង២៤នាក់ នៅលើកប៉ាល់ឈ្មោះ HMM Namu ក្នុងនោះមានជនជាតិកូរ៉េខាងត្បូង ផ្ទាល់៦នាក់ គឺមិនបានរងគ្រោះថ្នាក់ទេ.!។
លោកត្រាំ និយាយថា ឧប្បត្តិហេតុខាងលើ គួរតែជំរុញឱ្យកូរ៉េខាងត្បូង ចូលរួមកិច្ចប្រឹងប្រែង ដើម្បីជួយនាំផ្លូវកប៉ាល់ពាណិជ្ជកម្មដែលជាប់គាំង នៅច្រកសមុទ្រ Hormuz ។
ដែលជាច្រកដ៏សំខាន់សម្រាប់ការនាំចេញប្រេង ដែលទីក្រុងសេអ៊ូលពឹងផ្អែកលើជាចាំបាច់លើផ្លូវទឹក១នេះ៕