ភាពតានតឹងនៅឈូងសមុទ្រ បានកើនឡើងយ៉ាងខ្លាំង នៅសប្តាហ៍នេះ បន្ទាប់ពីសហរដ្ឋអាមេរិក និងអ៊ីរ៉ង់ បានអះអាងថា បានបាញ់ប្រហារ និងបំផ្លាញកប៉ាល់របស់គ្នាទៅវិញទៅមកនៅច្រកសមុទ្រហ័រមូស ទោះបីជាមានបទឈប់រវាងអាមេរិក និងអ៊ីស្រាអែល លើអ៊ីរ៉ង់ក៏ដោយ។
សារព័ត៌មានAl Jazeera នៅថ្ងៃទី០៥.០៥.២០២៦។
ប្រធានាធិបតីអាមេរិក ដូណាល់ ត្រាំ បានប្រកាសពីផែនការរបស់សហរដ្ឋអាមេរិក ដើម្បី”ណែនាំ”កប៉ាល់ដែលជាប់គាំងនៅក្នុងឈូងសមុទ្រ។
ក្នុងប្រតិបត្តិការមួយ ដែលលោកហៅថា គម្រោងសេរីភាព។
ខណៈអ៊ីរ៉ង់ និយាយថា កប៉ាល់ដែលព្យាយាមប្រើប្រាស់ច្រកសមុទ្រ ដោយគ្មានការអនុញ្ញាតពីកងឆ្មាំបដិវត្តន៍អ៊ីស្លាម (IRGC) នឹងត្រូវបាញ់ប្រហារ ដែលបង្កឱ្យមានការភ័យខ្លាច នៃការវិលត្រឡប់ទៅរកសង្គ្រាមវិញ។
លោក ត្រាំ មិនបានផ្តល់ព័ត៌មានលម្អិតអំពីរបៀបដែលកងកម្លាំងអាមេរិក បានគ្រោងទុក ដើម្បីធានាការឆ្លងកាត់ដោយសុវត្ថិភាពសម្រាប់កប៉ាល់ពាណិជ្ជកម្មនោះទេ។
កប៉ាល់ប្រហែល2,000 គ្រឿង បច្ចុប្បន្នជាប់គាំងនៅសងខាងនៃច្រកសមុទ្រ ដែល។
នៅថ្ងៃចន្ទ ទីភ្នាក់ងារសារព័ត៌មាន Fars របស់អ៊ីរ៉ង់ បានរាយការណ៍ថា នាវាចម្បាំងអាមេរិកមួយគ្រឿង។
ដែលបានបដិសេធមិនព្រមត្រឡប់មកពីច្រកសមុទ្រហ័រមូស ត្រូវបានយន្តហោះគ្មានមនុស្សបើករបស់អ៊ីរ៉ង់ពីរគ្រឿងវាយប្រហារ។
បញ្ជាការកណ្តាលយោធាអាមេរិក (CENTCOM) បានបដិសេធថា នាវាចម្បាំងមួយគ្រឿងត្រូវបានវាយប្រហារ ហើយបានអះអាងផ្ទុយមកវិញថា ខ្លួនបានលិចនាវារបស់ IRGC។
អ៊ីរ៉ង់ ដែលបានបដិសេធថា នាវា IRGC ណាមួយត្រូវបានវាយប្រហារ បានចេញផែនទីនៃច្រកសមុទ្រដែលបង្ហាញពីព្រំដែនថ្មីនៃតំបន់ដែលស្ថិតនៅក្រោមការគ្រប់គ្រងរបស់ខ្លួន។
ដែលនៅឆ្ងាយទៅខាងកើតជាងពេលមុន និងរួមបញ្ចូលដែនទឹកនៃប្រទេសអេមីរ៉ាតអារ៉ាប់រួម ដែលបង្កឱ្យមានការភ័យខ្លាចនៃការប្រឈមមុខដាក់គ្នាក្នុងតំបន់ថ្មីមួយ។
ក្រោយមក អារ៉ាប់រួមបានចោទប្រកាន់អ៊ីរ៉ង់ថា បានវាយប្រហារអេមីរ៉ាតខាងកើតនៃទីក្រុង Fujairah ជាមួយនឹងការបាញ់មីស៊ីល និងយន្តហោះគ្មានមនុស្សបើកជាច្រើនគ្រាប់ ដោយបានដុតរោងចក្រចម្រាញ់ប្រេងមួយកន្លែង និងធ្វើឱ្យជនជាតិឥណ្ឌាបីនាក់រងរបួស៕