អាល្លឺម៉ង់ បានស្នើផែនការកែទម្រង់សហភាពអឺរ៉ុបចំនួន៦ ចំណុច ដើម្បីពន្លឿនការសម្រេចចិត្តរបស់អឺរ៉ុប ខណៈដែលជម្លោះនិងវិបត្តិសកលកំពុងកើនឡើង។
ប្រភពពីសារព័ត៌មានAnadolu Agency នៅថ្ងៃទី៧ខែឧសភា។
ក្នុងសុន្ទរកថានៅទីក្រុង Berlin រដ្ឋមន្ត្រីការបរទេសអាល្លឺម៉ង់ Johann Wadephul បានលើកឡើងថា សង្គ្រាមអ៊ីរ៉ង់បានផ្លាស់ប្តូរសណ្តាប់ធ្នាប់ពិភពលោក ហើយ EU ត្រូវតែធ្វើសកម្មភាពឲ្យលឿនជាងមុន ជាពិសេសលើគោលនយោបាយការបរទេស និងសន្តិសុខ។
ផែនការនេះរួមមាន ការអនុញ្ញាតឲ្យប្រទេសសមាជិកមួយចំនួនអាចឈានទៅមុខលើគម្រោងសំខាន់ៗ ទោះបីប្រទេសខ្លះមិនចូលរួមក៏ដោយ ដើម្បីជៀសវាងភាពជាប់គាំងក្នុងការសម្រេចចិត្ត។ លោក Wadephul ក៏បានស្នើឲ្យប្តូរពីប្រព័ន្ធឯកភាពគ្នា ទៅការបោះឆ្នោតភាគច្រើនក្នុងបញ្ហាការបរទេស និងសន្តិសុខ៕