តុលាការឧទ្ធរណ៍នៅកូរ៉េខាងត្បូង បានកាត់បន្ថយទោសអតីតនាយករដ្ឋមន្ត្រី លោកHan Duck-soo ពី២៣ឆ្នាំ មកនៅត្រឹម១៥ឆ្នាំ ពាក់ព័ន្ធនឹងសំណុំរឿងច្បាប់អាជ្ញាសឹកកាលពីឆ្នាំ២០២៤។
ប្រភពពីសារព័ត៌មានAl Jazeera នៅថ្ងៃទី៧ ខែឧសភា។
អតីតប្រធានាធិបតី Yoon Suk Yeol បានប្រកាសច្បាប់អាជ្ញាសឹក បណ្តាលឱ្យប្រទេសមានភាពវឹកវរ ប៉ុន្តែច្បាប់នេះត្រូវបានសភាបដិសេធក្នុងរយៈពេលតែ ៦ម៉ោង។
តុលាការបានរក្សាបទចោទភាគច្រើនលើលោក Han ដូចជា ចូលរួមក្នុងការបះបោរ និងក្លែងបន្លំឯកសារ។
ប៉ុន្តែបន្ថយទោស ដោយសារគាត់មានបទពិសោធន៍ជាមន្ត្រីរដ្ឋជាង ៥០ ឆ្នាំ ហើយមិនមានភស្តុតាងច្បាស់ថា គាត់ជាអ្នកដឹកនាំផែនការបះបោរដោយផ្ទាល់ទេ៕