អ៊ីរ៉ង់បានចោទប្រកាន់ សហរដ្ឋអាមេរិកពីបទរំលោភលើបទឈប់បាញ់ ដោយកំណត់គោលដៅលើនាវា២គ្រឿង នៅច្រកសមុទ្រ Hormuz និងវាយប្រហារតំបន់ជនស៊ីវិល នេះបើយោងតាមបញ្ជាការយោធារួមកំពូល របស់ប្រទេសបាននិយាយនៅព្រឹកថ្ងៃសុក្រ។
សារព័ត៌មាន(រ៉យទ័រ) នៅថ្ងៃទី០៨.០៥.២០២៦។
អ្នកនាំពាក្យរបស់ទីស្នាក់ការកណ្តាល Khatam al-Anbiya របស់អ៊ីរ៉ង់ បាននិយាយនៅក្នុងសេចក្តីថ្លែងការណ៍មួយដែលចេញផ្សាយ ដោយប្រព័ន្ធផ្សព្វផ្សាយរដ្ឋថា សហរដ្ឋអាមេរិកបានកំណត់គោលដៅលើ “នាវាដឹកប្រេងអ៊ីរ៉ង់មួយគ្រឿង។
ដែលធ្វើដំណើរពីដែនទឹកឆ្នេរសមុទ្ររបស់អ៊ីរ៉ង់នៅជិត Jask ឆ្ពោះទៅកាន់ច្រកសមុទ្រ Hormuz ក៏ដូចជានាវាមួយគ្រឿងទៀតដែលចូលទៅក្នុងច្រកសមុទ្រ Hormuz ជិតកំពង់ផែ Fujairah របស់អេមីរ៉ាត”។
“ក្នុងពេលជាមួយគ្នានេះ ដោយមានកិច្ចសហប្រតិបត្តិការពីប្រទេស ក្នុងតំបន់មួយចំនួន ពួកគេបានអនុវត្តការវាយប្រហារតាមអាកាសលើតំបន់ជនស៊ីវិល តាមបណ្តោយឆ្នេរសមុទ្រ Bandar Khamir, Sirik និងកោះ Qeshm”៕