នៅថ្ងៃទី២២ ខែមិថុនា អាជ្ញាធររុស្ស៊ី បានផ្អាកប្រតិបត្តិការជាបណ្តោះអាសន្ននៅអាកាសយានដ្ឋានទាំង៤ក្នុងទីក្រុងមូស្គូ បន្ទាប់ពីប្រព័ន្ធការពារដែនអាកាសបានស្ទាក់ចាប់ និងបាញ់ទម្លាក់ដ្រូនចំនួន៥៩គ្រឿងដែលកំពុងហោះសំដៅមកកាន់រដ្ឋធានី។
ប្រភពពីសារព័ត៌មានTRT World។
អភិបាលក្រុងមូស្គូ លោកSergei Sobyanin បានឱ្យដឹងថា ដ្រូនទាំងនោះត្រូវបានបំផ្លាញ មុនពេលទៅដល់គោលដៅ ហើយក្រុមសង្គ្រោះបន្ទាន់ត្រូវបានបញ្ជូនទៅកាន់ទីតាំងដែលកម្ទេចដ្រូនធ្លាក់ចុះ។
ទោះបីជាអាជ្ញាធររុស្ស៊ីមិនបានបញ្ជាក់ប្រភពដ្រូនក៏ដោយ ក៏គេជឿថាវាអាចជាការវាយប្រហារពីអ៊ុយក្រែន ដើម្បីឆ្លើយតបនឹងការវាយប្រហាររបស់រុស្ស៊ីលើទឹកដីអ៊ុយក្រែន៕
