ប្រធានអង្គការអន្តរជាតិផ្នែកសមុទ្រ (IMO) របស់អង្គការសហប្រជាជាតិ លោកArsenio Dominguez បានឲ្យ ដឹងថាបច្ចុប្បន្នមានកប៉ាល់ប្រហែល1,500គ្រឿងនិងនាវិកជាង 20,000នាក់ជាប់នៅតំបន់ឈូងសមុទ្រពែរ្ស ដោយសារភាពតានតឹងនិងការគំរាមកំហែងរបស់អ៊ីរ៉ង់នៅច្រកសមុទ្រ Strait of Hormuz។
ប្រភពពីសារព័ត៌មានIran International នៅថ្ងៃទី៨ខែឧសភា។
ថ្លែងនៅក្នុងសន្និសីទសមុទ្រនៅប្រទេសPanama លោក Dominguez បានបញ្ជាក់ថានាវិកទាំងនោះគឺជាមនុស្សស៊ីវិលដែលកំពុងបំពេញការងារប្រចាំថ្ងៃប៉ុន្តែត្រូវជាប់ក្នុងវិបត្តិភូមិសាស្ត្រនយោបាយដែលពួកគេមិនអាចគ្រប់គ្រងបាន។
លោកក៏បានបង្ហាញក្តីព្រួយបារម្ភផងដែរថា ការ វាយប្រហារលើកប៉ាល់ជាង30ដងកន្លងមកបានបណ្តាលឲ្យនាវិកយ៉ាងហោចណាស់10នាក់ស្លាប់។ ហេតុការណ៍ទាំងនេះកំពុងធ្វើឲ្យក្រុមហ៊ុនដឹកជញ្ជូនជាច្រើនជៀសវាងការបញ្ជូនកប៉ាល់ចូលតំបន់ឈូងសមុទ្រពែរ្សដើម្បីកាត់បន្ថយហានិភ័យនិងការខាតបង់សេដ្ឋកិច្ចបន្ថែម៕