ប៉ូលីសអ៊ីស្រាអែល បានចាប់ខ្លួនទាហាន៣នាក់និងជនស៊ីវិលម្នាក់ ពាក់ព័ន្ធករណីសង្ស័យធ្វើចារកម្មឲ្យអ៊ីរ៉ង់។
ប្រភពពីសារព័ត៌មានRoyal news English នៅថ្ងៃទី៨ខែឧសភា។
តាមការស៊ើបអង្កេតដំបូង អ្នកទាំងបួនត្រូវបានចោទថា បានទាក់ទងជាមួយភ្នាក់ងារចារកម្មអ៊ីរ៉ង់អស់រយៈពេលយូរ ខណៈពេលពួកគេនៅជាអនីតិជន ហើយបានថតរូបទីតាំងសំខាន់ៗនៅក្នុងអ៊ីស្រាអែល រួមទាំងសាលាកងទ័ពអាកាសផងដែរ។
សារព័ត៌មាន YNET បានរាយការណ៍ថា ចារកម្មអ៊ីរ៉ង់ក៏បានណែនាំឲ្យពួកគេអនុវត្តបេសកកម្មទាក់ទងនឹងសន្តិសុខ និងការបំផ្លាញទ្រព្យសម្បត្តិរបស់អ៊ីស្រាអែល។ ជនសង្ស័យត្រូវបានចាប់ខ្លួនតាំងពីខែមីនា ខណៈព្រះរាជអាជ្ញាបានដាក់ពាក្យបណ្តឹងជាផ្លូវការនៅថ្ងៃសុក្រ៕