នៅពេលនេះអ៊ីស្រាអែល កំពុងស្វែងរកមធ្យោបាយដ៏មានប្រសិទ្ធភាព ដើម្បីទប់ទល់នឹងយន្តហោះគ្មានមនុស្សបើកដ៏ទំនើបកាន់តែខ្លាំងឡើង របស់ក្រុមហេសបូឡា នៅភាគខាងត្បូងប្រទេសលីបង់ ខណៈដែលយន្តហោះគ្មានមនុស្សបើកខ្សែកាបអុបទិក របស់ក្រុមនេះ បន្តបង្កបញ្ហាប្រឈមកាន់តែខ្លាំងឡើង។
សារព័ត៌មានTRT នៅថ្ងៃទី១០.០៥.២០២៦។
ប្រព័ន្ធផ្សព្វផ្សាយសាធារណៈរបស់អ៊ីស្រាអែល KAN បានដកស្រង់សម្តីមន្ត្រីយោធាម្នាក់ ដែលមិនបញ្ចេញឈ្មោះ ។
ដែលនិយាយថា កងទ័ពទើបតែបានណែនាំ “ប្រព័ន្ធកំណត់គោលដៅឆ្លាតវៃ” ចូលទៅក្នុងភាគខាងត្បូងប្រទេសលីបង់ ក្នុងការប៉ុនប៉ងកែលម្អសមត្ថភាពរបស់ខ្លួនក្នុងការតាមដាន និងស្ទាក់ចាប់យន្តហោះគ្មានមនុស្សបើក។
របាយការណ៍នេះបានបន្ថែមថា កែវយឹតមើលឃើញពេលយប់ “Dagger”រាប់រយក៏ត្រូវបានចែកចាយដល់ទាហានអ៊ីស្រាអែល ដើម្បីបង្កើនភាពត្រឹមត្រូវនៃការបាញ់ប្រឆាំងនឹងគោលដៅដែលកំពុងផ្លាស់ទីក្នុងអំឡុងពេលប្រយុទ្ធពេលយប់។
យន្តហោះគ្មានមនុស្សបើកខ្សែកាបអុបទិក របស់ហេសបូឡា បានលេចចេញជាបញ្ហាប្រឈមចម្បងមួយរបស់កងទ័ពអ៊ីស្រាអែល ដោយសារតែការលំបាកក្នុងការរកឃើញ និងស្ទាក់ចាប់ពួកគេ។
យន្តហោះគ្មានមនុស្សបើក បានបន្តកំណត់គោលដៅកងទ័ព និងយានយន្តយោធាអ៊ីស្រាអែល ក្នុងចំណោមការរំលោភបំពាន និងការឈ្លានពានរបស់អ៊ីស្រាអែល។
នៅចុងខែមេសា នាយករដ្ឋមន្ត្រីអ៊ីស្រាអែល បេនចាមីន ណេតាន់យ៉ាហ៊ូ បានទទួលស្គាល់ថា មីស៊ីល និងយន្តហោះគ្មានមនុស្សបើកហេសបូឡាតំណាងឱ្យ”ការគំរាមកំហែងធំៗពីរ” ហើយបានជំរុញឱ្យមេបញ្ជាការយោធាស្វែងរកមធ្យោបាយដើម្បីទប់ទល់នឹងពួកគេ។
បើទោះបីជាមានបទឈប់បាញ់គ្នាចាប់តាំងពីថ្ងៃទី១៧ ខែមេសា ដែលត្រូវបានពង្រីករហូតដល់ពាក់កណ្តាលខែឧសភាក៏ដោយ កងទ័ពអ៊ីស្រាអែលនៅតែបន្តប្រព្រឹត្តអំពើហិង្សាប្រចាំថ្ងៃនៅក្នុងប្រទេសលីបង់។
អ៊ីស្រាអែល បានសម្លាប់មនុស្សជាង ២.៧០០នាក់ និងបានធ្វើឱ្យមនុស្សជាង ១លាននាក់ផ្លាស់ទីលំនៅនៅក្នុងការវាយប្រហាររបស់ខ្លួនលើប្រទេសលីបង់ចាប់តាំងពីថ្ងៃទី២ ខែមីនា៕