សមុទ្រកាសព្យែន នឹងក្លាយជាច្រករបៀងយុទ្ធសាស្ត្រចម្បង មួយដែលអាចឱ្យរុស្ស៊ី និងអ៊ីរ៉ង់គេចផុតពីទណ្ឌកម្ម និងការបិទផ្លូវទឹកបាន។
សារព័ត៌មានKyiv post នៅថ្ងៃទី១១.០៥.២០២៦។
របាយការណ៍ថ្មីៗពី NYT បានបង្ហាញថា ទីក្រុងមូស្គូកំពុងប្រើប្រាស់ផ្លូវទឹកនេះ ដើម្បីផ្ទេរគ្រឿងបន្លាស់យន្តហោះគ្មានមនុស្សបើក និងការផ្គត់ផ្គង់ស្បៀងអាហារទៅកាន់ទីក្រុងតេអេរ៉ង់ ។
ដោយជួយអ៊ីរ៉ង់រក្សាជំហរយោធារបស់ខ្លួនទោះបីជាមានការបិទច្រកសមុទ្រហ័រមូសរបស់សហរដ្ឋអាមេរិកក៏ដោយ។
មិនដូចឈូងសមុទ្រពែរ្សទេ សមុទ្រកាសព្យែននៅតែជា«ចំណុចខ្វាក់ភ្នែក»ការទូត និងយោធា ដែលសហរដ្ឋអាមេរិកមិនអាចស្ទាក់ចាប់នាវា«ស្រមោល»ដែលជារឿយៗបិទសញ្ញាតាមដាន។
សមុទ្រកាសព្យែន បានលេចចេញជាខ្សែជីវិតភស្តុភារដ៏សំខាន់សម្រាប់សម្ព័ន្ធភាពទីក្រុងមូស្គូ-តេអេរ៉ង់ ដោយផ្តល់នូវផ្លូវសុវត្ថិភាពសម្រាប់ការធ្វើពាណិជ្ជកម្មយោធា និងពាណិជ្ជកម្មដែលនៅតែស្ថិតនៅក្រៅដៃយោធាអាមេរិកទាំងស្រុង។
យោងតាមការស៊ើបអង្កេតដោយ The New York Times ផ្លូវទឹកនេះកំពុងត្រូវបានប្រើប្រាស់សម្រាប់ការដឹកជញ្ជូនទាំងជាក់ស្តែង និងសម្ងាត់ ដែលអនុញ្ញាតឱ្យអ៊ីរ៉ង់នៅតែជាសត្រូវដ៏មានឥទ្ធិពលនៅមជ្ឈិមបូព៌ា ទោះបីជាមានឧត្តមភាពកងទ័ពជើងទឹកអាមេរិកលើសលប់ នៅក្នុងផ្លូវសមុទ្រក៏ដោយ៕