អាជ្ញាធរម៉ាឡេស៊ី កំពុងស្វែងរកជនអន្តោប្រវេសន៍ចំនួន១៤នាក់ដែលបាត់ខ្លួន បន្ទាប់ពីទូកដឹកមនុស្ស៣៧នាក់បានលិចនៅក្បែរកោះPangkor។
ប្រភពពីសារព័ត៌មានAl Jazeera នៅថ្ងៃទី១២ខែឧសភា។
ទីភ្នាក់ងារ Malaysian Maritime Enforcement Agency បានឱ្យដឹងថា អ្នកនេសាទក្នុងស្រុកបានជួយសង្គ្រោះមនុស្ស ២៣ នាក់ក្នុងនោះមានបុរស ១៦ នាក់ និងស្ត្រី ៧ នាក់។
ការស៊ើបអង្កេតបឋមបង្ហាញថា ទូកនេះបានចេញដំណើរពី Kisaran ប្រទេសឥណ្ឌូណេស៊ី កាលពីថ្ងៃទី៩ ខែឧសភា ហើយមានគោលដៅទៅកាន់តំបន់ជាច្រើនក្នុង Malaysia រួមមាន Penang, Selangor និង Kuala Lumpur។
អាជ្ញាធរបានដាក់ពង្រាយទូក ឧទ្ធម្ភាគចក្រ និងយន្តហោះឃ្លាំមើល ដើម្បីបន្តប្រតិបត្តិការស្វែងរកអ្នកបាត់ខ្លួន៕