ប្រធានាធិបតីអាមេរិក លោកDonald Trump បានធ្វើដំណើរទៅកាន់ប្រទេសចិន ដើម្បីជួបប្រធានាធិបតី លោកXi Jinping នៅទីក្រុងប៉េកាំង ខណៈជម្លោះរវាងអាមេរិក-អ៊ីស្រាអែលនិងអ៊ីរ៉ង់កំពុងកើនឡើង។ លោក Trump បញ្ជាក់ថា ការពិភាក្សាជាមួយចិននឹងផ្តោតលើបញ្ហាអ៊ីរ៉ង់ សន្តិសុខតំបន់ និងពាណិជ្ជកម្ម។
ប្រភពពីសារព័ត៌មានAl Jazeera នៅថ្ងៃទី១៣ខែឧសភា។
នៅទីក្រុងតេអេរ៉ង់ មន្ត្រីអ៊ីរ៉ង់មិនទាន់ឆ្លើយតបជាផ្លូវការចំពោះការចោទប្រកាន់ថា អ៊ីរ៉ង់កំពុងប្រើ Strait of Hormuz ជាអាវុធសង្គ្រាមនៅឡើយទេ។ ទោះយ៉ាងណា អ៊ីរ៉ង់បានបញ្ជាក់ថា ខ្លួនកំពុងពង្រីកការគ្រប់គ្រងលើច្រកសមុទ្រនេះ និងអនុញ្ញាតឱ្យនាវាដឹកជញ្ជូនឆ្លងកាត់បានដោយសុវត្ថិភាព តែត្រូវសម្របសម្រួលជាមួយកងទ័ពជើងទឹក IRGC៕