មានការរញ្ជួយដីកម្រិតស្រាលចំនួន៩លើក បានកើតឡើងនៅតំបន់ Pardis ភាគខាងកើតទីក្រុងតេអេរ៉ង់ កាលពីយប់មិញធ្វើឲ្យអ្នកជំនាញ និងប្រជាជនព្រួយបារម្ភថា អាចមានរញ្ជួយដីធំកើតឡើងនៅពេលខាងមុខ។
ប្រភពពីសារព័ត៌មានAl Jazeera នៅថ្ងៃទី១៣ខែឧសភា។
រញ្ជួយដីទាំងនេះកើតឡើងជិតតំបន់ប្រេះស្រាំ Mosha ដែលជាតំបន់រញ្ជួយដីសកម្មមួយសំខាន់របស់អ៊ីរ៉ង់។ រញ្ជួយដីខ្លាំងជាងគេមានកម្រិត 4.6 រ៉ិចទ័រ។
អាជ្ញាធរបញ្ជាក់ថា មិនមានអ្នកស្លាប់ របួស ឬការខូចខាតធ្ងន់ធ្ងរទេ ប៉ុន្តែអ្នកជំនាញព្រមានថា សកម្មភាពរញ្ជួយដីជាបន្តបន្ទាប់អាចជាសញ្ញានៃការរញ្ជួយដីធំជាងនេះ៕