ប្រធានាធិបតីចិន លោកXi Jinping បានប្រាប់ប្រធានាធិបតីអាមេរិក លោកDonald Trump ក្នុងជំនួបនៅទីក្រុងBeijing ថា ចិននិងសហរដ្ឋអាមេរិកគួរតែជាដៃគូ មិនមែនជាគូប្រជែងទេ ខណៈទំនាក់ទំនងរវាងមហាអំណាចទាំងពីរកំពុងទាក់ទាញការចាប់អារម្មណ៍ពីពិភពលោក។
ប្រភពពីសារព័ត៌មានAnadolu Agency នៅថ្ងៃទី១៤ខែឧសភា។
នៅក្នុងសុន្ទរកថាបើកកិច្ចប្រជុំនៅសាលធំប្រជាជន លោក ស៊ី បាននិយាយថា ប្រទេសទាំងពីរគួរតែសហការគ្នា រីកចម្រើនជាមួយគ្នា និងស្វែងរកវិធីរស់នៅដោយសន្តិភាពក្នុងយុគសម័យថ្មី។ លោកបញ្ជាក់ថា ពិភពលោកកំពុងប្រឈមនឹងការប្រែប្រួល និងភាពច្របូកច្របល់ធំមួយ ដែលតម្រូវឱ្យចិន និងអាមេរិកធ្វើការរួមគ្នាដើម្បីដោះស្រាយបញ្ហាសកល និងផ្តល់ស្ថិរភាពដល់ពិភពលោក៕