(ភ្នំពេញ)៖ នៅទីបំផុត! ក្រសួងពាណិជ្ជកម្ម បានសម្រេចបញ្ចប់មុខតំណែង និងលុបឈ្មោះលោក គឹម ប្រុស ប្រធានសាខាក.ប.ប.ខេត្តបាត់ដំបង ចេញពីក្របខ័ណ្ឌមន្ត្រីរាជការ!។
*នេះបើយោងតាម ប្រកាសស្ដីពី ការបញ្ចប់មុខតំណែង និងលុបឈ្មោះចេញពីក្របខ័ណ្ឌមន្ត្រីរាជការ នៃក្រសួងពាណិជ្ជកម្ម ចុះថ្ងៃទី១៤.០៥.២០២៦។
*ថ្លែងក្នុងឱកាសអញ្ជើញជួបសំណេះសំណាលជាមួយក្រុមប្រឹក្សា ថ្នាក់ដឹកនាំមន្ទីរ អង្គភាពនានាក្នុងខេត្តស្វាយរៀង កាលពីព្រឹកថ្ងៃទី១៤.០៥.២០២៦។
សម្តេចតេជោ ហ៊ុន សែន បានមានប្រសាសន៍ថា សម្តេចនឹងសួរនាំ រឿងមន្ត្រីកាងជនខិលខូចនាំទុរេនចូលពីថៃ រួចបកស្រាយថា ជាទុរេនខ្មែរ.!។
សម្តេចតេជោ ក៏បានបង្ហាញការហួសចិត្តចំពោះ មន្ត្រី ក.ប.បខេត្តបាត់ដំបង ដែលទៅប្រកាសថាទុរេននោះ ជាទុរេនខេត្តកំពង់ចាម.!។
«ហេតុអ្វីមន្ត្រីយើងទៅកាងជនខិលខូច ខណៈជនខិលខូច បានសារភាពថា បាននាំចូលពីប្រទេសថៃ។
ប្រជាពលរដ្ឋមិនទាន់អស់ចិត្តទេ ខ្ញុំក៏មិនទាន់អស់ចិត្តដែរ។
តើមន្ត្រីរូបហ្នឹងបានមានវិធានការហើយនៅ»។
នេះជាការបញ្ជាក់របស់សម្តេចតេជោ ហ៊ុន សែន បញ្ហានេះ មិនមែនជារឿងពហិកានោះទេ តែពាក់ព័ន្ធនឹងសុខភាពរបស់ប្រជាពលរដ្ឋ។
សម្តេចតេជោ ហ៊ុន សែន បានណែនាំដល់មន្ត្រីគ្រប់រូប មិនគួរយកគំរូតាមមន្ត្រីរូបនេះនោះឡើយ។
សម្រាប់មន្ត្រីបែបនេះ សម្តេចតេជោ បញ្ជាក់ថា មិនគួរចាត់វិធានការត្រឹមអនុវត្តន៍វិន័យរបស់មន្ត្រីនោះទេ គួរចាត់វិធានការផ្លូវច្បាប់ ដើម្បីព្រមានមន្ត្រីខិលខូចឯទៀត៕
