ការវាយប្រហារដោយមីស៊ីល និងដ្រូនដ៏ធំសម្បើមរបស់រុស្ស៊ី លើទីក្រុងគៀវកាលពីយប់ថ្ងៃទី១៤.០៥.២០២៦ បានសម្លាប់មនុស្សយ៉ាងហោចណាស់ ២១នាក់ ក្នុងនោះកុមារ៣នាក់ និងរបួស៤៥នាក់។
សារព័ត៌មានKyiv post ។
ក្រុមអ្នកជួយសង្គ្រោះ បានបន្តស្វែងរកគំនរបាក់បែកនៅក្នុងស្រុក Darnytskyi ។
បន្ទាប់ពីអគារលំនៅដ្ឋានមួយត្រូវបានបំផ្លាញពីជាន់ទីមួយដល់ជាន់ទីប្រាំបួន។ ខណៈដែលប្រធានាធិបតី Zelensky បាននិយាយថា ការវាយប្រហារនេះបង្ហាញថា រុស្ស៊ីមិនបានធ្វើសកម្មភាពដូចជាប្រទេសដែលកំពុងស្វែងរកសន្តិភាពនោះទេ។
កងទ័ពអាកាសអ៊ុយក្រែន បាននិយាយថា រុស្ស៊ីបានបាញ់យន្តហោះគ្មានមនុស្សបើកវាយប្រហារចំនួន៦៧៥ គ្រឿង និងមីស៊ីលចំនួន ៥៦គ្រាប់ ដែលភាគច្រើនផ្តោតលើទីក្រុងគៀវ។
អង្គភាពការពារដែនអាកាស អ៊ុយក្រែនបានស្ទាក់ចាប់យន្តហោះគ្មានមនុស្សបើកចំនួន ៦៥២គ្រឿង(អត្រាជោគជ័យ៩៤ភាគរយ) និងមីស៊ីលចំនួន៤១គ្រាប់ (អត្រាជោគជ័យ៧៣ ភាគរយ) ក្នុងអំឡុងពេលវាយប្រហារ។
នៅក្នុងសុន្ទរកថាពេលល្ងាចរបស់លោក ប្រធានាធិបតី Volodymyr Zelensky បាននិយាយថា ក្រុមជួយសង្គ្រោះនៅតែកំពុងស្វែងរកបំណែកបាក់បែកនៃអគារផ្ទះល្វែងមួយក្នុងទីក្រុងគៀវ ដែលត្រូវបានបំផ្លាញដោយការវាយប្រហារដោយមីស៊ីលរបស់រុស្ស៊ី៕