ប្រទេសប៉ូឡូញ បានកោះហៅមន្ត្រីទូតអ៊ីស្រាអែល ប្រចាំទីក្រុងវ៉ាសូវី ដើម្បីទាមទារការសុំទោសជាផ្លូវការ បន្ទាប់ពីរដ្ឋមន្ត្រីសន្តិសុខជាតិអ៊ីស្រាអែល Itamar Ben-Gvir បង្ហោះវីដេអូចំអកសកម្មជនគាំទ្រប៉ាឡេស្ទីន ដែលត្រូវបានឃុំខ្លួន ដោយកងកម្លាំងអ៊ីស្រាអែល។
ប្រភពពីសារព័ត៌មានAnadolu Agency នៅថ្ងៃទី២១ ខែឧសភា។
រដ្ឋមន្ត្រីការបរទេសប៉ូឡូញ Radoslaw Sikorski បានថ្កោលទោសអាកប្បកិរិយារបស់មន្ត្រីអ៊ីស្រាអែលថាមិនសមរម្យខ្លាំង ហើយទាមទារឱ្យដោះលែងពលរដ្ឋប៉ូឡូញដែលត្រូវបានឃុំខ្លួនក្នុងករណីនេះជាបន្ទាន់។ លោកក៏បានអំពាវនាវឱ្យអ៊ីស្រាអែលគោរពសិទ្ធិ និងសេចក្តីថ្លៃថ្នូររបស់អ្នកទាំងនោះ ស្របតាមស្តង់ដារអន្តរជាតិ៕
