ប្រធានាធិបតីបេឡារុស លោក Alexander Lukashenko កាលពីថ្ងៃព្រហស្បតិ៍ទី២១ ខែឧសភា ឆ្នាំ២០២៦ បានបដិសេធការលើកឡើងដែលថា បេឡារុសនឹង ប្រឡូកចូលក្នុងសង្រ្គាមអ៊ុយក្រែន។
ដោយលោកនិយាយថា បេឡារុសនឹងចូលរួមជាមួយរុស្ស៊ី ដើម្បីការពារខ្លួន ក្នុងករណីមានការឈ្លានពានណាមួយកើតឡើង។
សារព័ត៌មាន Reuters។
ដកស្រង់សម្ដីដោយប្រព័ន្ធផ្សព្វផ្សាយរដ្ឋបេឡារុស BELTA លោក Lukashenko បានបញ្ជាក់ដែរថារូបលោកត្រៀមខ្លួនជាស្រេច ដើម្បីជួបប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី ។
ដែលបានអះអាងម្ដងហើយម្ដងទៀតថា បេឡារុស អាចនឹងចូលរួមកាន់តែសកម្មក្នុងសង្រ្គាមរបស់រុស្ស៊ី ប្រឆាំងអ៊ុយក្រែនដែលអូសបន្លាយពេលជាង៤ឆ្នាំ.!។
លោក Lukashenko ធ្វើការកត់សម្គាល់ខាងលើអំឡុង ចូលរួមសមយុទ្ធនុយក្លេអ៊ែរជាមួយរុស្ស៊ី ។
ដែលក្នុងនោះរូបលោកផ្ទាល់ និងប្រធានាធិបតីរុស្ស៊ី លោក វ្ល៉ាឌីមៀ ពូទីនបានត្រួតពិនិត្យ ការធ្វើសមយុទ្ធនេះតាមរយៈវីដេអូខុនហ្វេរិន។
ពាក់ព័ន្ធនឹងសេចក្ដីថ្លែងការណ៍របស់លោក ហ្សេលេនស្គី ដែលថាបេឡារុសនឹងចូលរួមក្នុងសង្រ្គាម ខ្ញុំសូមបញ្ជាក់ថា រឿងបែបនេះ នឹងកើតឡើង លុះត្រាតែមានការឈ្លានពានណាមួយប្រឆាំងនឹងប្រទេសរបស់យើង…យើងនឹងរួមដៃគ្នាជាមួយរុស្ស៊ី ដើម្បីការពារខ្លួនឯង៕
