កងកម្លាំងអ៊ីស្រាអែល បានវាយឆ្មក់ចូលក្នុងតំបន់ West Bank ដោយបាញ់ឧស្ម័នបង្ហូរទឹកភ្នែក បណ្តាលឲ្យប្រជាជនប៉ាឡេស្ទីន ជាច្រើនរងការថប់ដង្ហើម។
ប្រភពពីសារព័ត៌មាន Anadolu Agency នៅថ្ងៃទី២២ ខែឧសភា។
តាមរបាយការណ៍ និងសាក្សី ការវាយឆ្មក់បានកើតឡើងនៅទីក្រុងជាច្រើនទាំងភាគខាងជើង ខាងត្បូង និងកណ្តាល West Bank រួមមានការបិទផ្លូវ វាយឆ្មក់ផ្ទះ និងចាប់ខ្លួនមនុស្សមួយចំនួន។
អាជ្ញាធរប៉ាឡេស្ទីននិយាយថា ការវាយឆ្មក់ទាំងនេះកើនឡើងចាប់តាំងពីសង្គ្រាមហ្គាហ្សាចាប់ផ្តើម ហើយបណ្តាលឲ្យមានអ្នកស្លាប់ របួស និងការចាប់ខ្លួនជាច្រើន៕
