ប្រទេសបូលីវី កំពុងជួបវិបត្តិនយោបាយ និងភាពចលាចលក្នុងសង្គម ខណៈការតវ៉ាប្រឆាំងរដ្ឋាភិបាលកាន់តែខ្លាំងឡើង។ ប្រធានាធិបតី Rodrigo Paz ដែលទើបកាន់តំណែងបាន៦ខែ កំពុងរងសម្ពាធឱ្យលោកលាលែងពីតំណែង។
ប្រភពពីសារព័ត៌មានAl Jazeera នៅថ្ងៃទី២៣ខែឧសភា។
ការតវ៉ាបានផ្ទុះឡើងដោយសារបញ្ហាជាច្រើន រួមមានការទាមទារដំឡើងប្រាក់ខែ បញ្ហាប្រេងឥន្ធនៈគុណភាពអន់ដែលបំផ្លាញយានយន្ត និងច្បាប់ដីធ្លីថ្មីដែលត្រូវបានរិះគន់ថាផ្តល់ផលប្រយោជន៍ដល់អ្នកមានដីធំៗ។
ទោះរដ្ឋាភិបាលបានព្រមដកច្បាប់ខ្លះ និងផ្តល់ជំនួយហិរញ្ញវត្ថុមួយចំនួនក៏ដោយ ក្រុមជនជាតិដើមភាគតិច និងសហជីពកម្មករនៅតែបន្តបិទផ្លូវ និងឡោមព័ទ្ធទីក្រុង La Paz ដើម្បីបង្ខំឱ្យប្រធានាធិបតីចុះចេញពីតំណែង៕
