នាយករដ្ឋមន្ត្រីប៉ាគីស្ថាន លោកShehbaz Sharif បានធ្វើដំណើរទៅប្រទេសចិន រយៈពេល៤ថ្ងៃ ដើម្បីពង្រឹងទំនាក់ទំនងយុទ្ធសាស្ត្រ និងសេដ្ឋកិច្ចរវាងប្រទេសទាំងពីរ។
ប្រភពពីសារព័ត៌មានTRT World នៅថ្ងៃទី២៣ខែឧសភា។
ក្នុងដំណើរនេះ លោកនឹងចូលរួមសន្និសីទវិនិយោគនៅទីក្រុង Hangzhou ដែលផ្តោតលើវិស័យបច្ចេកវិទ្យា ថាមពល ប្រព័ន្ធផ្ទុកថាមពលអាគុយ និងកសិកម្ម។ បន្ទាប់មក លោកនឹងទៅទីក្រុង Beijing ដើម្បីជួបមេដឹកនាំចិន រួមទាំងប្រធានាធិបតី Xi Jinping និងនាយករដ្ឋមន្ត្រី Li Qiang។
ដំណើរនេះកើតឡើងក្នុងបរិបទដែលប៉ាគីស្ថានកំពុងព្យាយាមពង្រឹងកិច្ចសហប្រតិបត្តិការ និងទាក់ទាញការវិនិយោគបន្ថែមពីចិន ខណៈក៏មានការចូលរួមក្នុងការសម្របសម្រួលកិច្ចចរចាអន្តរជាតិមួយចំនួនផងដែរ៕
