អ្នកស្ម័គ្រចិត្តកាកបាទក្រហមចំនួន៣នាក់ បានស្លាប់ដោយសារជំងឺអេបូឡា នៅភាគខាងកើតរបស់ប្រទេសកុងហ្គោ ហើយត្រូវបានចាត់ទុកជាជនរងគ្រោះដំបូងនៃការផ្ទុះជំងឺលើកនេះ។
ប្រភពពីសារព័ត៌មានAnadolu Agency នៅថ្ងៃទី២៤ខែឧសភា។
អង្គការ IFRC បាននិយាយថា អ្នកស្ម័គ្រចិត្តទាំងនេះបានឆ្លងមេរោគ ខណៈកំពុងបំពេញបេសកកម្មមនុស្សធម៌ និងដោះស្រាយសាកសព ដោយពេលនោះសហគមន៍មិនទាន់ដឹងថាមានការផ្ទុះអេបូឡានៅឡើយទេ។
បច្ចុប្បន្ន កុងហ្គោមានករណីសង្ស័យជាង៧៥០ករណី និងស្លាប់សង្ស័យ១៧៧នាក់ ខណៈជំងឺបានរាលដាលទៅខេត្តជាច្រើន និងឆ្លងដល់ប្រទេសអ៊ូហ្គង់ដាផងដែរ។ រដ្ឋាភិបាលកុងហ្គោបានផ្អាកជើងហោះហើរទៅកាន់តំបន់រងគ្រោះ ដើម្បីទប់ស្កាត់ការរាលដាល៕
