ជនសង្ស័យម្នាក់ត្រូវបានបាញ់សម្លាប់ បន្ទាប់ពីបើកការបាញ់ប្រហារនៅក្បែរសេតវិមាន ក្នុងទីក្រុងវ៉ាស៊ីនតោនរបស់សហរដ្ឋអាមេរិក។
ប្រភពពីសារព័ត៌មានAnadolu Agency នៅថ្ងៃទី២៤ខែមិថុនា។
សេវាសម្ងាត់អាមេរិកបាននិយាយថា បុរសនោះបានដកអាវុធពីកាបូប ហើយចាប់ផ្តើមបាញ់កាំភ្លើង មុនពេលកម្លាំងសន្តិសុខបាញ់តបវិញ។ អ្នកឈរមើលម្នាក់ក៏ត្រូវគ្រាប់កាំភ្លើងផងដែរ ខណៈមិនមានមន្ត្រីណារងរបួសឡើយ។
របាយការណ៍បានបញ្ជាក់ថា ជនសង្ស័យឈ្មោះ Nasire Best អាយុ២១ឆ្នាំ មានប្រវត្តិបញ្ហាសុខភាពផ្លូវចិត្ត និងធ្លាប់ចូលតំបន់ហាមឃាត់ក្បែរសេតវិមានពីមុន។ នៅពេលកើតហេតុ Donald Trump កំពុងស្ថិតនៅក្នុងសេតវិមាន ប៉ុន្តែមិនរងគ្រោះថ្នាក់ទេ៕
