លោកMarco Rubio បាននិយាយថា សហរដ្ឋអាមេរិកនៅតែត្រៀមខ្លួនជួយសម្របសម្រួល ដើម្បីបញ្ចប់សង្គ្រាមរវាងរុស្ស៊ីនិងអ៊ុយក្រែន បន្ទាប់ពីរុស្ស៊ីបើកការវាយប្រហារដោយប្រើមីស៊ីលដ៏ធំលើទីក្រុងKyiv។
ប្រភពពីសារព័ត៌មានTRT world នៅថ្ងៃទី២៦ខែឧសភា។
លោក Rubio បានលើកឡើងបន្ទាប់ពីការសន្ទនាតាមទូរស័ព្ទជាមួយរដ្ឋមន្ត្រីការបរទេសរុស្ស៊ី លោក Sergey Lavrov ដោយបញ្ជាក់ថា សង្គ្រាមនេះបានអូសបន្លាយយូរ និងបង្កការខូចខាតធ្ងន់ធ្ងរ ដូច្នេះត្រូវតែបញ្ចប់។
លោកក៏បានបញ្ជាក់ថា សហរដ្ឋអាមេរិកត្រៀមធ្វើអ្វីគ្រប់យ៉ាងដែលអាចធ្វើបាន ដើម្បីជួយសម្រួលដល់ដំណោះស្រាយសន្តិភាពនាពេលខាងមុខ៕
