ក្រុមហ៊ុនផលិតរថក្រោះបារាំង-អាល្លឺម៉ង់ KNDS បាននិយាយថា ខ្លួនកំពុងស្វែងរកសមត្ថភាពផលិតកម្មបន្ថែមពីវិស័យផ្សេងៗ ដើម្បីពង្រីកការផលិតអាវុធនៅអឺរ៉ុប ជាពិសេសនៅអាល្លឺម៉ង់។
ប្រភពពីសារព័ត៌មានReuter នៅថ្ងៃទី២៧ខែឧសភា។
នាយកប្រតិបត្តិ Jean‑Paul Alary បានឱ្យដឹងថា ក្រុមហ៊ុនកំពុងពិភាក្សាជាមួយវិស័យឧស្សាហកម្មផ្សេងៗ រួមទាំងឧស្សាហកម្មរថយន្ត ដែលបច្ចុប្បន្នកំពុងមានរោងចក្រប្រើប្រាស់មិនពេញសមត្ថភាព។
ការពង្រីកនេះកើតឡើង ខណៈក្រុមហ៊ុនការពារជាតិអឺរ៉ុបដូចជា Rheinmetall និង KNDS ទទួលបានការបញ្ជាទិញកើនឡើងខ្លាំង ដោយសារប្រទេសអឺរ៉ុបបង្កើនការចំណាយលើយោធា។
KNDS ក៏បានរាយការណ៍ពីការកើនឡើងប្រាក់ចំណូលក្នុងឆ្នាំ ២០២៥ ផងដែរ ខណៈតម្រូវការរថក្រោះ និងអាវុធធុនធ្ងន់នៅអឺរ៉ុបកំពុងកើនឡើង៕
