អាជ្ញាធរអ៊ីស្រាអែល បានរឹបអូសដីជាង110,000ម៉ែត្រការ៉េ នៅជុំវិញភូមិNabi Samuel និងBeit Iksa ភាគពាយ័ព្យក្រុងយេរូសាឡឹម ដើម្បីអភិវឌ្ឍតំបន់វត្ថុបុរាណ។
ប្រភពពីសារព័ត៌មានTRT World នៅថ្ងៃទី២៧ខែឧសភា។
ក្រសួងការបរទេសប៉ាឡេស្ទីនបានថ្កោលទោសចំណាត់ការនេះ ដោយនិយាយថា វាជាផ្នែកនៃយុទ្ធនាការការប្រែប្រួលតំបន់ណាមួយដើម្បីផ្លាស់ប្តូរអត្តសញ្ញាណ និងប្រជាសាស្ត្ររបស់ក្រុងយេរូសាឡឹម។
អភិបាលក្រុងយេរូសាឡឹមក៏បានព្រមានថា វិហារអ៊ីស្លាមប្រវត្តិសាស្ត្រ Nabi Samuel កំពុងប្រឈមនឹងដំណាក់កាលគ្រោះថ្នាក់ បន្ទាប់ពីដីជុំវិញត្រូវបានរឹបអូស។
ប៉ាឡេស្ទីនបានអំពាវនាវឱ្យសហគមន៍អន្តរជាតិ និងអង្គការសហប្រជាជាតិ ចាត់វិធានការតឹងរ៉ឹងចំពោះអ៊ីស្រាអែល៕
