ក្រុមហាម៉ាសប៉ាឡេស្ទីន បាននិយាយនៅថ្ងៃព្រហស្បតិ៍ទី២៨.០៥.២០២៦ថា ការកើនឡើងនៃការវាយប្រហាររបស់អ៊ីស្រាអែលទៅលើជនស៊ីវិល នៅក្នុងតំបន់ហ្គាហ្សា និងការសម្លាប់ជនជាតិប៉ាឡេស្ទីនជាង ២០នាក់ក្នុងរយៈពេល៤៨ម៉ោងកន្លងមកនេះ បង្ហាញថា ទីក្រុងTel Aviv កំពុងស្វែងរកការវិលត្រឡប់ទៅរក «ល្បឿននៃសង្គ្រាមប្រល័យពូជសាសន៍»ដែលបានបន្តអស់រយៈពេល២ឆ្នាំ។
សារព័ត៌មានAnadolu។
នៅក្នុងសេចក្តីថ្លែងការណ៍មួយ ក្រុមហាម៉ាស បាននិយាយថា ការវាយប្រហារតាមអាកាសរបស់អ៊ីស្រាអែល ដែលកំណត់គោលដៅលើអាផាតមិនលំនៅដ្ឋានមួយកន្លែង នៅក្នុងទីក្រុងហ្គាហ្សាកណ្តាលកាលពីយប់មិញ ។
ដែលបានសម្លាប់ជនជាតិប៉ាឡេស្ទីន ១០នាក់ រួមទាំងកុមារពីរនាក់និងស្ត្រីពីរនាក់ និងរបួសរាប់សិបនាក់ទៀត គឺជា«ឧក្រិដ្ឋកម្មថ្មី»និង«ការរំលោភបំពានឡើងវិញ និងជាក់ស្តែង»នៃកិច្ចព្រមព្រៀងឈប់បាញ់ដែលបានចុះហត្ថលេខានៅទីក្រុង Sharm el-Sheikh។
កិច្ចព្រមព្រៀងឈប់បាញ់ Sharm el-Sheikh ត្រូវបានចុះហត្ថលេខានៅក្នុងខែតុលា ឆ្នាំ២០២៥ ក្រោមការសម្របសម្រួលរបស់អេហ្ស៊ីប សហរដ្ឋអាមេរិក កាតា និងតួកគី ហើយបានចូលជាធរមាននៅពេលក្រោយក្នុងខែនោះ។
កិច្ចព្រមព្រៀង នេះបានកើតឡើងបន្ទាប់ពីសង្គ្រាមរយៈពេលពីរឆ្នាំនៅតំបន់ហ្គាហ្សា ដែលបានចាប់ផ្តើមនៅថ្ងៃទី8 ខែតុលា ឆ្នាំ2023 ដែលក្នុងនោះជនជាតិប៉ាឡេស្ទីនជាង 72,000នាក់ត្រូវបានសម្លាប់ និងជាង172,000 នាក់រងរបួស នេះបើយោងតាមតួលេខរបស់ប៉ាឡេស្ទីន រួមជាមួយនឹងការបំផ្លិចបំផ្លាញយ៉ាងទូលំទូលាយដែលប៉ះពាល់ដល់ហេដ្ឋារចនាសម្ព័ន្ធស៊ីវិលប្រហែល 90%។
ក្រុមហាម៉ាស បាននិយាយថា ការវាយប្រហារកាន់តែខ្លាំងឡើងរបស់អ៊ីស្រាអែល លើជនស៊ីវិលនៅទូទាំងតំបន់ហ្គាហ្សា និងការសម្លាប់ជនជាតិប៉ាឡេស្ទីនជាង20 នាក់ក្នុងការវាយប្រហារដែលកំណត់គោលដៅលើសង្កាត់លំនៅដ្ឋានក្នុងរយៈពេលពីរថ្ងៃកន្លងមកនេះ បានបង្ហាញពីចេតនារបស់ខ្លួនក្នុងការបន្តប្រតិបត្តិការយោធាទ្រង់ទ្រាយធំ។
ក្រុមប៉ាឡេស្ទីន ក៏បានចោទប្រកាន់អ៊ីស្រាអែលថាមិនអើពើនឹងកិច្ចខិតខំប្រឹងប្រែងរបស់ប្រទេសសម្របសម្រួល និងរំលោភលើការធានា និងការប្តេជ្ញាចិត្តដែលបានធ្វើឡើងក្រោមកិច្ចព្រមព្រៀងឈប់បាញ់៕
