ហេសបូឡាហ៍និយាយថា ខ្លួនបានវាយប្រហារលើអ៊ីស្រាអែលចំនួន៣៧លើក ក្នុងរយៈពេល២៤ម៉ោងដោយប្រើរ៉ុក្កែត មីស៊ីល និងដ្រូន។ ការវាយប្រហារនេះផ្តោតលើកងទ័ពអ៊ីស្រាអែល រថក្រោះ Merkava និងប្រព័ន្ធការពារ Iron Dome នៅភាគខាងត្បូងលីបង់ និងភាគខាងជើងអ៊ីស្រាអែល។
ប្រភពពីសារព័ត៌មានAnadolu Agency នៅថ្ងៃទី២៨ខែឧសភា។
ក្រុមនេះក៏អះអាងថា យុទ្ធជនរបស់ខ្លួនបានប៉ះទង្គិចជាមួយទាហានអ៊ីស្រាអែលនៅតំបន់ Zawtar al-Sharqiya ហើយបង្ខំឱ្យកងទ័ពអ៊ីស្រាអែលដកថយ។
ទោះមានបទឈប់បាញ់ចាប់ពីថ្ងៃទី ១៧ មេសាក៏ដោយ អ៊ីស្រាអែលនៅតែបន្តវាយប្រហារលីបង់ជារៀងរាល់ថ្ងៃ។ ចាប់តាំងពីខែមីនា មនុស្សជាង ៣,២០០ នាក់បានស្លាប់ និងជាង ១,៦ លាននាក់ត្រូវភៀសខ្លួន៕
