ប្រទេសរ៉ូម៉ានីនិងសម្ព័ន្ធមិត្តNATO បានរិះគន់រុស្ស៊ី បន្ទាប់ពីដ្រូនមួយបានធ្លាក់ចូលអគារផ្ទះល្វែងក្នុងទីក្រុង Galati ភាគខាងកើតរ៉ូម៉ានី បណ្តាលឱ្យមនុស្ស២នាក់រងរបួស។
ប្រភពពីសារព័ត៌មានAl Jazeera នៅថ្ងៃទី២៩ខែឧសភា។
អាជ្ញាធររ៉ូម៉ានីនិយាយថា ដ្រូននេះជាផ្នែកនៃការវាយប្រហាររបស់រុស្ស៊ីទៅលើអ៊ុយក្រែន ហើយការធ្លាក់ចូលទឹកដីរ៉ូម៉ានី គឺជាការរំលោភច្បាប់អន្តរជាតិធ្ងន់ធ្ងរ។
ហេតុការណ៍នេះបានបង្កើនការព្រួយបារម្ភថា សង្គ្រាមរវាងរុស្ស៊ី និងអ៊ុយក្រែន អាចរីករាលដាលទៅដល់ប្រទេសសមាជិក NATO ដែលនៅជិតព្រំដែនអ៊ុយក្រែន៕
