អាជ្ញាធរគ្រប់គ្រងច្រកសមុទ្រHormuz របស់អ៊ីរ៉ង់បានបដិសេធទណ្ឌកម្មថ្មីរបស់សហរដ្ឋអាមេរិក ដោយអះអាងថា វ៉ាស៊ីនតោនមិនអាចគ្រប់គ្រងលើច្រកសមុទ្រយុទ្ធសាស្ត្រនេះតាមរយៈទណ្ឌកម្មបានឡើយ។
ប្រភពពីសារព័ត៌មានAnadolu Agency នៅថ្ងៃទី៣០ខែឧសភា។
អាជ្ញាធរនេះបញ្ជាក់ថា ខ្លួននៅតែបន្តចេញលិខិតអនុញ្ញាតដល់នាវាពាណិជ្ជកម្មដែលមិនមានអរិភាពឱ្យឆ្លងកាត់ Hormuz ជាធម្មតា។
ជាការឆ្លើយតប អាមេរិកបានចោទថា អាជ្ញាធរនេះបង្ខំឱ្យនាវាបង់ថ្លៃសេវាឆ្លងកាត់ និងយកប្រាក់ទៅគាំទ្រ កងកម្លាំង IRGC របស់អ៊ីរ៉ង់ ទើបសម្រេចដាក់ទណ្ឌកម្ម។
ជម្លោះនេះកើតឡើងស្របពេលភាពតានតឹងរវាងអាមេរិក និងអ៊ីរ៉ង់នៅតែបន្ត ទោះបីមានបទឈប់បាញ់ដែលសម្របសម្រួលដោយប៉ាគីស្ថានក៏ដោយ ខណៈការចរចាសន្តិភាពមិនទាន់ឈានដល់កិច្ចព្រមព្រៀងចុងក្រោយនៅឡើយ៕
