ចៅក្រមសហព័ន្ធអាមេរិកម្នាក់នៅរដ្ឋផ្លរីដា បានសម្រេចពិនិត្យឡើងវិញនូវកិច្ចព្រមព្រៀងរវាងរដ្ឋាភិបាលអាមេរិក និងប្រធានាធិបតី ដូណាល់ ត្រាំ ក្នុងការដោះស្រាយបណ្តឹងទាមទារសំណង១០ពាន់លានដុល្លារ ដែលលោកត្រាំ ប្តឹងប្រឆាំងនឹងអាជ្ញាធរពន្ធដារ(IRS)។
ប្រភពពីសារព័ត៌មានReuter នៅថ្ងៃទី៣១ខែឧសភា។
លោក ត្រាំ អះអាងថាIRS បានគ្រប់គ្រងឯកសារពន្ធរបស់លោកមិនត្រឹមត្រូវ និងបណ្តាលឱ្យព័ត៌មានពន្ធរបស់លោកលេចធ្លាយទៅសារព័ត៌មាន។ កិច្ចព្រមព្រៀងដែលបានស្នើឡើង គ្រោងបង្កើតមូលនិធិប្រមាណ ១,៨ ពាន់លានដុល្លារ សម្រាប់ផ្តល់សំណងដល់ជនដែលអះអាងថារងគ្រោះពីការប្រើប្រាស់អំណាចនយោបាយដោយមិនត្រឹមត្រូវ។
ទោះជាយ៉ាងណា អតីតចៅក្រមសហព័ន្ធ៣៥នាក់បានជំទាស់ ដោយអះអាងថាកិច្ចព្រមព្រៀងនេះអាចមានភាពមិនប្រក្រតី និងស្នើឱ្យតុលាការពិនិត្យឡើងវិញ។ ជាហេតុនេះ ចៅក្រម Kathleen Williams បានបញ្ជាឱ្យភាគីពាក់ព័ន្ធឆ្លើយតប និងពន្យល់បន្ថែម មុនសម្រេចថាតើករណីនេះគួរត្រូវបានបើកសវនាការឡើងវិញឬអត់៕
