ប៉ូលិសប៉ារីស បានចាប់ខ្លួនមនុស្ស៤៥នាក់ បន្ទាប់ពីមានអំពើហិង្សាផ្ទុះឡើងអំឡុងពេលអ្នកគាំទ្រParis Saint-Germain (PSG) អបអរជ័យជម្នះក្នុងពានរង្វាន់ UEFA Champions League Final។
ប្រភពពីសារព័ត៌មានAsiaOne នៅថ្ងៃទី៣១ខែឧសភា។
អ្នកគាំទ្ររាប់ម៉ឺននាក់បានប្រមូលផ្តុំគ្នានៅតាមដងផ្លូវក្នុងទីក្រុងប៉ារីស បន្ទាប់ពីPSG យកឈ្នះ Arsenal ដោយបាល់ប៉េណាល់ទីនៅវគ្គផ្តាច់ព្រ័ត្រ។ ទោះជាយ៉ាងណា ក្រុមមនុស្សមួយចំនួនបានបង្កភាពចលាចល ដោយដុតរថយន្ត បំផ្លាញហាង និងបាញ់កាំជ្រួច។
ប៉ូលិសបានឱ្យដឹងថា មន្ត្រីម្នាក់បានរងរបួស ខណៈក្រុមមួយបានព្យាយាមវាយលុកស្ថានីយ៍ប៉ូលិសមួយ ប៉ុន្តែត្រូវបានបង្ក្រាប។ ផ្លូវមួយចំនួន និងផ្លូវក្រវាត់ក្រុងប៉ារីសក៏ត្រូវបានបិទជាបណ្តោះអាសន្នផងដែរ៕
