កាលពីថ្ងៃអាទិត្យទី៣១ខែឧសភា មនុស្សយ៉ាងហោចណាស់៤៦នាក់បានស្លាប់និង៧៤នាក់ផ្សេងទៀតរងរបួស ក្រោយការផ្ទុះដ៏ធំមួយនៅឃ្លាំងផ្ទុកគ្រឿងផ្ទុះសម្រាប់ការជីករ៉ែ ក្នុងភូមិ Kaungtup ស្រុក Namhkam ភាគឦសានប្រទេសមីយ៉ាន់ម៉ា។
ប្រភពពីសារព័ត៌មានAP។
ហេតុការណ៍នេះបានកើតឡើងនៅតំបន់ជិតព្រំដែនចិន ដែលស្ថិតក្រោមការគ្រប់គ្រងរបស់ Ta’ang National Liberation Army (TNLA)។ ក្រុមអ្នកជួយសង្គ្រោះបានឱ្យដឹងថា ប្រតិបត្តិការស្វែងរក និងជួយសង្គ្រោះនៅតែបន្ត ខណៈអ្នករងរបួសត្រូវបានបញ្ជូនទៅព្យាបាលនៅមន្ទីរពេទ្យក្នុងតំបន់។
មូលហេតុនៃការផ្ទុះមិនទាន់ត្រូវបានបញ្ជាក់ជាផ្លូវការនៅឡើយទេ ប៉ុន្តែហេតុការណ៍នេះបានបង្កការខូចខាតយ៉ាងធ្ងន់ធ្ងរ និងបណ្តាលឱ្យមានអ្នកស្លាប់ និងរបួសជាច្រើន៕
