ទីក្រុងប៉ារីសនៃប្រទេសបារាំង បានជួបភាពចលាចលក្រោយក្រុមParis Saint-Germain (PSG) ឈ្នះពានរង្វាន់UEFA Champions League ជាលើកទីពីរជាប់ៗគ្នា ដោយបណ្តាលឱ្យមនុស្សជាង២០០នាក់រងរបួសនិងមនុស្សម្នាក់ស្លាប់។
ប្រភពពីសារព័ត៌មានReuter នៅថ្ងៃទី១ខែមិថុនា។
ក្រោយយកឈ្នះក្រុម Arsenal ដោយការទាត់បាល់ប៉េណាល់ទីក្នុងវគ្គផ្តាច់ព្រ័ត្រ នៅទីក្រុង Budapest អ្នកគាំទ្រ PSG រាប់ម៉ឺននាក់បានប្រមូលផ្តុំគ្នានៅទីក្រុង Paris ដើម្បីអបអរសាទរជ័យជម្នះ។
ទោះជាយ៉ាងណា ការអបអរសាទរមួយចំនួនបានប្រែក្លាយជាអំពើហិង្សា ដោយមានការប៉ះទង្គិចជាមួយប៉ូលិស ការដុតភ្លើង និងការបង្កអសន្តិសុខនៅតាមដងផ្លូវ។ អាជ្ញាធរបារាំងបានដាក់ពង្រាយកម្លាំងសន្តិសុខយ៉ាងច្រើន ដើម្បីគ្រប់គ្រងស្ថានការណ៍៕
