ប្រធានសភាអ៊ីរ៉ង់ លោក Mohammad Bagher Qalibaf កាលពីថ្ងៃចន្ទទី០១.០៦.២០២៦បានព្រមានថា ការចរចាជាមួយសហរដ្ឋអាមេរិកអាច នឹងត្រូវផ្អាក ប្រសិនបើការវាយប្រហាររបស់អ៊ីស្រាអែលលើប្រទេសលីបង់ នៅតែបន្ត។
នេះបើយោងតាមសេចក្តីថ្លែងការណ៍ដែលចុះផ្សាយដោយទីភ្នាក់ងារសារព័ត៌មាន Fars របស់អ៊ីរ៉ង់។
សារព័ត៌មានAnadolu។
ទីភ្នាក់ងារសារព័ត៌មាន បានរាយការណ៍ថា លោក Qalibaf បានធ្វើការកត់សម្គាល់ក្នុងអំឡុងពេលនិយាយទូរស័ព្ទជាមួយប្រធានសភាលីបង់ និងជាមេដឹកនាំចលនា Amal លោក Nabih Berri។
យោងតាម Fars លោក Qalibaf បាននិយាយថា អ៊ីរ៉ង់បានខិតខំប្រឹងប្រែងយ៉ាងខ្លាំងក្នុងរយៈពេលពីរថ្ងៃកន្លងមកនេះ ដើម្បីបញ្ឈប់ការវាយប្រហាររបស់អ៊ីស្រាអែល ដោយព្រមានថា ប្រសិនបើ “ឧក្រិដ្ឋកម្ម”នៅតែបន្ត ទីក្រុងតេអេរ៉ង់នឹងមិនត្រឹមតែផ្អាកដំណើរការចរចាប៉ុណ្ណោះទេ ប៉ុន្តែថែមទាំង”ប្រឆាំងនឹង”អ៊ីស្រាអែលផងដែរ។
លោកក៏ បាននិយាយផងដែរថា កិច្ចព្រមព្រៀងណាមួយ ដែលសម្រេចបានរវាងទីក្រុងតេអេរ៉ង់ និងទីក្រុងវ៉ាស៊ីនតោន នឹងតម្រូវឱ្យមានការបញ្ចប់ការវាយប្រហារនៅគ្រប់ទិសទី ជាពិសេសនៅក្នុងប្រទេសលីបង់។
លោក Qalibaf បានបន្ថែមថា អ៊ីរ៉ង់ប្តេជ្ញាចិត្តធានាឱ្យមានបទឈប់បាញ់នៅទូទាំងប្រទេសលីបង់ ជាពិសេសនៅភាគខាងត្បូងនៃប្រទេស៕
