មនុស្ស៧នាក់ត្រូវបានសម្លាប់ និងមនុស្សជាច្រើននាក់ទៀតរងរបួស ក្នុងការវាយប្រហារដោយដ្រូនរបស់អ៊ីស្រាអែលនៅភាគខាងត្បូងលីបង់ នៅថ្ងៃពុធទី៣ខែមិថុនា។
ប្រភពពីសារព័ត៌មានTRT World។
តាមប្រព័ន្ធផ្សព្វផ្សាយរដ្ឋលីបង់ ជនជាតិស៊ីរី៤នាក់បានស្លាប់នៅទីក្រុង Habboush ខណៈជនជាតិប៉ាឡេស្ទីន ២ នាក់ទៀតបានស្លាប់នៅជិតទីក្រុង Tyre។ ដោយឡែក គ្រូពេទ្យសង្គ្រោះបន្ទាន់ម្នាក់នៃក្រុមសង្គ្រោះ Risala ត្រូវបានសម្លាប់នៅទីក្រុង Arab Salim។
ហេតុការណ៍នេះកើតឡើងទោះបីជាមានបទឈប់បាញ់រវាងអ៊ីស្រាអែល និងក្រុម Hezbollah ហើយកើតឡើងតែមួយថ្ងៃបន្ទាប់ពីមន្ត្រីលីបង់ និងអ៊ីស្រាអែលបានជួបពិភាក្សាគ្នានៅ Washington, D.C. ក្រោមការសម្របសម្រួលរបស់សហរដ្ឋអាមេរិក ដើម្បីពង្រឹងការអនុវត្តបទឈប់បាញ់៕
