អាជ្ញាធរអ៊ុយក្រែនបានឱ្យដឹងថា យ៉ាងហោចណាស់មនុស្ស១២ នាក់ស្លាប់ និងជាច្រើននាក់ទៀតរងរបួស ក្នុងការវាយប្រហារដោយមីស៊ីល និងដ្រូនរបស់រុស្ស៊ី នៅតំបន់ផ្សេងៗនៃអ៊ុយក្រែន។
ប្រភពពីសារព័ត៌មានAl Jazeera នៅថ្ងៃទី៥ខែមិថុនា។
ការវាយប្រហារនេះបានបំផ្លាញផ្ទះសម្បែង អគារស៊ីវិល មន្ទីរពេទ្យ រថយន្តសង្គ្រោះ និងហេដ្ឋារចនាសម្ព័ន្ធជាច្រើន។
ស្របពេលនោះ ប្រធានាធិបតី Volodymyr Zelenskyy បានរំលឹកដល់កុមារអ៊ុយក្រែនចំនួន ៧០៧ នាក់ ដែលត្រូវបានសម្លាប់ចាប់តាំងពីសង្គ្រាមរវាងរុស្ស៊ី និងអ៊ុយក្រែនផ្ទុះឡើងនៅឆ្នាំ ២០២២៕
