តៃវ៉ាន់ បានចោទប្រកាន់ចិនថាកំពុងបង្កភាពតានតឹងថ្មីនៅសមុទ្រចិនខាងត្បូង បន្ទាប់ពីនាវាឆ្មាំឆ្នេរសមុទ្រចិន និងនាវាស្ទង់មតិមួយគ្រឿង បានធ្វើប្រតិបត្តិការរួមគ្នានៅជិត កោះ Pratas ដែលគ្រប់គ្រងដោយ តៃវ៉ាន់។
ប្រភពពីសារព័ត៌មានTRT World នៅថ្ងៃទី៦ខែមិថុនា។
តៃវ៉ាន់និយាយថា សកម្មភាពនេះគឺជាការបង្កហេតុ និងដាក់សម្ពាធលើខ្លួន ខណៈនាវាតៃវ៉ាន់បានចេញទៅតាមដាន និងព្រមាននាវាចិន។
សូមបញ្ជាក់ថា៖ កោះ Pratas មានសារៈសំខាន់ផ្នែកយុទ្ធសាស្ត្រ និងស្ថិតនៅសមុទ្រចិនខាងត្បូង។ អ្នកជំនាញមួយចំនួនបារម្ភថា តំបន់នេះអាចក្លាយជាចំណុចជម្លោះថ្មីរវាងចិន និងតៃវ៉ាន់។
ចិននៅតែអះអាងថា តៃវ៉ាន់ ជាផ្នែកមួយនៃទឹកដីរបស់ខ្លួន ខណៈតៃវ៉ាន់បដិសេធ និងបន្តពង្រឹងការការពារសន្តិសុខរបស់ខ្លួន៕
