នៅថ្ងៃទី៦ខែមិថុនា អគ្គីភ័យមួយបានឆាបឆេះនៅរោងចក្រចម្រាញ់ប្រេងTyumenក្នុងរុស្ស៊ី ដោយរាលដាលលើផ្ទៃប្រហែល១០០ម៉ែត្រការ៉េ និងត្រូវបានចាត់ទុកថាជាអគ្គីភ័យមានហានិភ័យខ្ពស់។
ប្រភពពីសារព័ត៌មានAnadolu Agency។
អាជ្ញាធរមូលដ្ឋានបានបញ្ជាក់ថា មូលហេតុបណ្តាលមកពីការរំលោភលើដំណើរការបច្ចេកវិទ្យានៅក្នុងប្រព័ន្ធបន្សុទ្ធរបស់រោងចក្រ មិនមែនជាការវាយប្រហារដោយដ្រូនដូចការចចាមអារ៉ាមមួយចំនួនឡើយ។
ក្រសួងស្ថានភាពអាសន្នរុស្ស៊ីបានឱ្យដឹងថា អគ្គីភ័យត្រូវបានគ្រប់គ្រងបានរួចរាល់ ហើយមិនមានសេចក្តីរាយការណ៍អំពីអ្នកស្លាប់ ឬរងរបួសនោះទេ។
អាជ្ញាធរកំពុងបន្តស៊ើបអង្កេតលម្អិតអំពីមូលហេតុនៃហេតុការណ៍នេះ៕
