ការបាញ់ប្រហារក្បែរពិធីបុណ្យក្នុងទីក្រុងToledo របស់សហរដ្ឋអាមេរិកបណ្តាលឱ្យមនុស្សយ៉ាងហោចណាស់១២នាក់រងរបួសកាលពីថ្ងៃសៅរ៍ទី០៦.០៦.២០២៦។ ដែលជំរុញឱ្យប៉ូលីសយ៉ាងច្រើន ស្វែងរកជនសង្ស័យ នេះបើយោងតាមអាជ្ញាធរនៅក្នុងរដ្ឋ Ohio។
សារព័ត៌មានAnadolu។
ការបាញ់ប្រហារបានផ្ទុះឡើង បន្ទាប់ពីម៉ោង ៥:៣០ ល្ងាចនៅជិតពិធីបុណ្យ Old West End ក្នុងទីក្រុងToledo ជាកន្លែងដែលខ្មាន់កាំភ្លើងយ៉ាងហោចណាស់ពីរនាក់«ទំនងជាបាញ់ប្រហារគ្នាទៅវិញទៅមក»នេះបើយោងតាមអនុប្រធានប៉ូលីស Toledo លោក Joseph Heffernan នេះបើយោងតាមការចុះផ្សាយរបស់ NBC News។
មនុស្សដប់នាក់ ដែលមានអាយុចាប់ពី ១៤ដល់ ៦១ឆ្នាំ បានរងរបួស ដោយពីរនាក់ស្ថិតក្នុងស្ថានភាពធ្ងន់ធ្ងរ។
ខ្មាន់កាំភ្លើងនៅតែគេចខ្លួនគិតត្រឹមចុងថ្ងៃសៅរ៍ នេះបើយោងតាមប៉ូលីស។
អ្នកស៊ើបអង្កេតក៏កំពុង.ធ្វើការនៅកន្លែងកើតហេតុទីពីរជាផ្នែកមួយនៃការស៊ើបអង្កេតផងដែរ។
អាជ្ញាធរបានជំរុញឱ្យប្រជាពលរដ្ឋ និងអ្នកទស្សនាជៀសវាងតំបន់នោះ ដោយកត់សម្គាល់ឃើញវត្តមានប៉ូលីសយ៉ាងច្រើន ខណៈពេលដែលការស្វែងរកនៅតែបន្ត និងកាលៈទេសៈកំពុងត្រូវបានកំណត់។
មន្ត្រីបាននិយាយថា ព័ត៌មានបន្ថែមនឹងត្រូវបានចេញផ្សាយនៅពេលដែលការស៊ើបអង្កេតវិវត្ត។
អភិបាលរដ្ឋ Mike DeWine បាននិយាយថា លោក«មានការព្រួយបារម្ភយ៉ាងខ្លាំង»អំពីការបាញ់ប្រហារនេះ។
លោកបានសរសេរនៅលើវេទិកាប្រព័ន្ធផ្សព្វផ្សាយសង្គមអាមេរិកXថា “ពិធីបុណ្យរដូវក្តៅគួរតែជាកន្លែងសុវត្ថិភាពសម្រាប់គ្រួសារនានាចំណាយពេលជាមួយគ្នាដោយមិនភ័យខ្លាចអំពើហិង្សា”៕
