នៅព្រឹកថ្ងៃទី៩ ខែមិថុនា ឆ្នាំ២០២៦ ចំនួនអ្នកស្លាប់ដោយសាររញ្ជួយដីកម្រិត៧.៨ រ៉ិចទ័រ នៅខាងត្បូងប្រទេសហ្វីលីពីន បានកើនឡើងដល់៣៧នាក់ ខណៈមនុស្ស៤នាក់នៅតែបាត់ខ្លួននិងអ្នករងរបួសយ៉ាងហោចណាស់៤៧៩នាក់។
ប្រភពពីសារព័ត៌មានAnadolu Agency។
រញ្ជួយដីនេះមានចំណុចកណ្តាលនៅឆ្នេរសមុទ្រខេត្ត Sarangani លើកោះមីនដាណាវ បណ្តាលឱ្យអគារជាច្រើនដួលរលំ ការរអិលបាក់ដី ការដាច់ភ្លើង និងការខូចខាតហេដ្ឋារចនាសម្ព័ន្ធយ៉ាងធ្ងន់ធ្ងរ។ អាជ្ញាធរបានឱ្យដឹងថា ប្រជាជនប្រមាណ ៨៨,០០០ នាក់រងផលប៉ះពាល់ ក្នុងនោះ ២២,៦៩០ នាក់ត្រូវជម្លៀសចេញពីលំនៅឋាន៕
