មន្ត្រីជាន់ខ្ពស់អ៊ីរ៉ង់ម្នាក់បានឱ្យដឹងថា សេចក្តីព្រាងអនុស្សរណៈយោគយល់គ្នា (MoU) រវាងអាមេរិកនិងអ៊ីរ៉ង់ មានគោលបំណងបន្ធូរបន្ថយភាពតានតឹង និងបើកផ្លូវទៅរកកិច្ចព្រមព្រៀងសន្តិភាពពេញលេញ។
ប្រភពពីសារព័ត៌មានTRT World នៅថ្ងៃទី១៤ខែមិថុនា។
តាមសេចក្តីព្រាងនេះ អ៊ីរ៉ង់នឹងបើកច្រកសមុទ្រHormuz ឡើងវិញសម្រាប់នាវាពាណិជ្ជកម្មទាំងអស់ ខណៈអាមេរិកនឹងបញ្ឈប់ការបិទផ្លូវកងទ័ពជើងទឹកនៅកំពង់ផែអ៊ីរ៉ង់។
ជាមួយគ្នានេះ អាមេរិកនឹងមិនដាក់ទណ្ឌកម្មថ្មីលើអ៊ីរ៉ង់ជាបណ្តោះអាសន្ន ហើយអាចមានការបន្ធូរបន្ថយទណ្ឌកម្មប្រេង ព្រមទាំងដោះលែងទ្រព្យសម្បត្តិអ៊ីរ៉ង់ដែលត្រូវបានបង្កកផងដែរ៕
