សារព័ត៌មាន Axios រាយការណ៍ថា បេសកជនអាមេរិក លោកSteve Witkoff និងរដ្ឋមន្ត្រីការបរទេសអ៊ីរ៉ង់ លោកAbbas Araghchi កំពុងធ្វើដំណើរទៅប្រទេសស្វីស ដើម្បីចាប់ផ្តើមកិច្ចពិភាក្សាអំពីកិច្ចព្រមព្រៀងនុយក្លេអ៊ែរថ្មី។
ប្រភពពីសារព័ត៌មានTRT World នៅថ្ងៃទី២០ខែមិថុនា។
ការជួបនេះកើតឡើងបន្ទាប់ពីអ៊ីស្រាអែល និងHezbollah យល់ព្រមឈប់បាញ់គ្នានៅលីបង់ ដែលជួយបន្ថយភាពតានតឹងក្នុងតំបន់ និងបើកឱកាសឱ្យការចរចារវាងអាមេរិក និងអ៊ីរ៉ង់បន្តទៅមុខ។
ប្រសិនបើការពិភាក្សាជោគជ័យ វាអាចនាំទៅរកកិច្ចព្រមព្រៀងរយៈពេលវែងស្តីពីកម្មវិធីនុយក្លេអ៊ែររបស់អ៊ីរ៉ង់ និងសន្តិសុខក្នុងតំបន់។ ទោះជាយ៉ាងណា សេតវិមានមិនទាន់បញ្ជាក់ជាផ្លូវការអំពីដំណើរទស្សនកិច្ចនេះនៅឡើយទេ៕
