អាជ្ញាធរ បាននិយាយនៅថ្ងៃចន្ទទី២២.០៦.២០២៦ថា ការផ្ទុះរោងចក្រឧស្ម័ននៅក្នុងប្រទេសកាតាកាលពីល្ងាចថ្ងៃអាទិត្យ បានសម្លាប់មនុស្ស ១៣នាក់ និងរបួស៦៦នាក់។
ខណៈដែលរដ្ឋមន្ត្រីក្រសួងថាមពលលោក Saad al-Kaabi បានព្យាយាមធានាដល់ទីផ្សារ ពិភពលោកចំពោះការនាំចេញថាមពល របស់ប្រទេស ដោយគ្មានការរំខាន។
សារព័ត៌មានTRT។
ថ្លែងទៅកាន់អ្នកយកព័ត៌មាន លោក al-Kaabi បានប្រកាសនៅថ្ងៃចន្ទថា ជនរងគ្រោះ គឺជាជនជាតិឥណ្ឌា និងប៉ាគីស្ថាន ហើយបាននិយាយថា អ្នករងរបួសទាំងអស់ កំពុងទទួលការព្យាបាលពីគ្រូពេទ្យ ដោយគ្មានអ្នកណាម្នាក់ស្ថិតក្នុងស្ថានភាពគំរាមកំហែង ដល់អាយុជីវិតឡើយ។
លោកបានចូលរួមរំលែកទុក្ខ ចំពោះជនរងគ្រោះថា“ខ្ញុំឃើញថា ខ្លួនឯងត្រូវធ្វើអ្វីមួយដែលខ្ញុំតែងតែសង្ឃឹមថានឹងមិនកើតឡើងនៅថ្ងៃនេះទេ”។
លោក Al-Kaabi និយាយថា ការរកឃើញបឋមបង្ហាញថា ការផ្ទុះនេះគឺជាគ្រោះថ្នាក់ មិនមែនជាលទ្ធផលនៃការបំផ្លិចបំផ្លាញ ឬទង្វើអរិភាពណាមួយឡើយ។
លោកបានមានប្រសាសន៍ថា“នេះគឺជាគ្រោះថ្នាក់ មិនមែនជាការបំផ្លិចបំផ្លាញ ឬលក្ខណៈអរិភាពទេ”៕
