ទីភ្នាក់ងារថាមពលអាតូមិកអន្តរជាតិ (IAEA) បានបញ្ជាក់ថា ការត្រួតពិនិត្យនៅតាមទីតាំងនុយក្លេអ៊ែររបស់អ៊ីរ៉ង់នឹងត្រូវអនុវត្ត បន្ទាប់ពីកិច្ចព្រមព្រៀងថ្មីរវាងអ៊ីរ៉ង់ និងសហរដ្ឋអាមេរិក។
ប្រភពពីសារព័ត៌មានAl jazeera នៅថ្ងៃទី២៥ខែមិថុនា។
អគ្គនាយក IAEA លោក Rafael Grossi បានថ្លែងនៅប្រទេសជប៉ុនថា អនុស្សរណៈនៃការយោគយល់គ្នា (MoU) ដែលភាគីទាំងពីរបានចុះហត្ថលេខា បានកំណត់យ៉ាងច្បាស់ថា រាល់សកម្មភាពនុយក្លេអ៊ែរពាក់ព័ន្ធនឹងសម្ភារៈនុយក្លេអ៊ែរ នឹងស្ថិតក្រោមការត្រួតពិនិត្យរបស់ International Atomic Energy Agency។
ទោះជាយ៉ាងណា មន្ត្រីអ៊ីរ៉ង់បានអះអាងថា ការអនុវត្តការត្រួតពិនិត្យទាំងនេះ នឹងអាស្រ័យលើការបញ្ចប់ និងអនុវត្តកិច្ចព្រមព្រៀងជាផ្លូវការជាមុនសិន៕
