រដ្ឋបាលរបស់ប្រធានាធិបតី លោកDonald Trump កំពុងជំរុញការលក់ម៉ាស៊ីនយន្តហោះF-110 តម្លៃប្រមាណ750 លានដុល្លារ ទៅឱ្យទួរគី ដើម្បីប្រើប្រាស់លើយន្តហោះចម្បាំង KAAN ដែលជាយន្តហោះចម្បាំងផលិតក្នុងស្រុកដំបូងរបស់ទួរគី។
ប្រភពពីសារព័ត៌មានTRT World នៅថ្ងៃ២៥ខែមិថុនា។
តាមរបាយការណ៍ រដ្ឋបាលអាមេរិកបានជូនដំណឹងដល់សភាអំពីផែនការបន្តការលក់ម៉ាស៊ីនដែលផលិតដោយ General Electric ហើយបានពិពណ៌នាប្រធានាធិបតីទួរគី លោកRecep Tayyip Erdogan ថាជាដៃគូដ៏សំខាន់ក្នុងតំបន់។
ការសម្រេចចិត្តនេះត្រូវបានគេមើលឃើញថា ជាសញ្ញាវិជ្ជមានមួយក្នុងទំនាក់ទំនងរវាងទីក្រុងវ៉ាស៊ីនតោន និងទីក្រុងអង់ការ៉ា៕
