ថ្ងៃសៅរ៍ទី២៧ខែមិថុនា ចិននិងរុស្ស៊ី បានធ្វើសមយុទ្ធផ្លូវអាកាសយុទ្ធសាស្ត្ររួមលើកទី១១ នៅលើសមុទ្រជប៉ុន សមុទ្រចិនខាងកើត និងភាគខាងលិចនៃមហាសមុទ្រប៉ាស៊ីហ្វិក។ ភាគីចិនបានអះអាងថា សមយុទ្ធនេះមានគោលបំណងបង្ហាញពីការរួមគ្នារក្សាសន្តិភាពនិងស្ថិរភាពក្នុងតំបន់។
ប្រភពពីសារព័ត៌មានTRT World។
ជាមួយគ្នានេះ កូរ៉េខាងត្បូងបានឱ្យដឹងថា យន្តហោះយោធាចិន និងរុស្ស៊ីសរុប ១០ គ្រឿង បានហោះចូលតំបន់កំណត់អត្តសញ្ញាណការពារដែនអាកាស (KADIZ) របស់ខ្លួនមួយរយៈខ្លី ដែលធ្វើឱ្យកងទ័ពអាកាសកូរ៉េខាងត្បូងបញ្ជូនយន្តហោះចម្បាំងឡើងតាមដាន។
យ៉ាងណាក៏ដោយ អគ្គសេនាធិការចម្រុះកូរ៉េខាងត្បូង (JCS) បានបញ្ជាក់ថា យន្តហោះទាំងនោះមិនបានរំលោភចូលដែនអាកាសរបស់កូរ៉េខាងត្បូងឡើយ ហើយបានចាកចេញពីតំបន់ KADIZ បន្ទាប់ពីហោះឆ្លងកាត់៕
