គិតត្រឹមព្រឹកថ្ងៃទី២៨.០៦.២០២៦(ម៉ោងនៅកម្ពុជា) ចំនួនអ្នកស្លាប់ដោយសារគ្រោះមហន្តរាយរញ្ជួយដី ២លើកជាប់ៗគ្នា នៅប្រទេសវេណេស៊ុយអេឡា បានកើនឡើងដល់១.៤៣០នាក់ និងរបួស៣.២៣៨នាក់ ខណៈមនុស្សប្រហែល៥.០០០នាក់ទៀត កំពុងបាត់ខ្លួន និងស្ថិតក្រោមគំនរបាក់បែក..!។
សារព័ត៌មានTRT។
សូមជម្រាបថា គ្រោះរញ្ជួយដីកម្រិត៧.២រ៉ិចទ័រ និងកម្រិត៧.៥រ៉ិចទ័រ បានវាយប្រហារប្រទេសវេណេស៊ុយអេឡា កាលពីល្ងាចថ្ងៃពុធទី២៤.០៦.២០២៦(ម៉ោងនៅក្នុងតំបន់)ត្រូវនឹងព្រឹកថ្ងៃទី២៥.០៦.២០២៦(ម៉ោងនៅកម្ពុជា)។
បណ្ដាលឱ្យអគារជាច្រើនត្រូវដួលរលំសង្កត់មនុស្សស្លាប់ និងបាត់ខ្លួនរាប់ម៉ឺននាក់..!។
*អង្គការសហប្រជាជាតិ បានប៉ាន់ប្រមាណថា គ្រោះរញ្ជួយដីនេះបង្កការខូចខាតប្រហែល ៦,៧ពាន់លានដុល្លារ។
ទីភ្នាក់ងារមនុស្សធម៌OCHA របស់អង្គការសហប្រជាជាតិ បាននិយាយថា ក្រុមស្វែងរក និងជួយសង្គ្រោះយ៉ាងហោចណាស់១៧ ប្រទេសកំពុងចល័ត ដើម្បីស្វែងរកអ្នកនៅរស់រានមានជីវិតនៅក្រោមកម្ទេចថ្ម.!។
ប៉ុន្តែការស្វែងរកអ្នកមានជីវិត កំពុងជួបក្ដីអស់សង្ឃឹម ដោយសារគ្រោះមហន្តរាយនេះ បានឈានដល់ថ្ងៃទី៥ហើយ!។
ជាក់ស្តែងអ្នកស្រុក បាននាំគ្នាជីកយកកម្ទេចថ្មីចេញពីអគារអាផាតមិន ដែលបានដួលរលំដើម្បី ស្វែងរកសាច់ញាតិរបស់ខ្លួន។
*ទន្ទឹមនិងនោះប្រជាជនវេណេស៊ុយអេឡា បានសម្ដែងការឈឺចាប់ ដោយស្ដីបន្ទោសរដ្ឋាភិបាលថា ខ្វះខាតក្រុមអ្នកជួយសង្គ្រោះ ធ្វើឱ្យពួកគេបាត់បង់សមាជិកគ្រួសារ និងបណ្ដាលឱ្យចំនួនអ្នកស្លាប់កើនឡើង។
ស្របពេលដែល បណ្ដាប្រទេសជាច្រើនបានបញ្ជូនក្រុមសង្គ្រោះ និងជំនួយ.សម្ភារៈពេទ្យ ទៅកាន់ប្រទេសវេណេស៊ុយអេឡា និយាយជារួមពេលនេះ ក្រុមសង្គ្រោះទាំងក្នុងនិងក្រៅប្រទេស កំពុងកាយកម្ទេចថ្ម ដើម្បីជួយមនុស្ស និងដកហូតយកសាកសព៕
