(កំពង់ចាម)៖ ប្ដីប្រពន្ធ២នាក់ត្រូវបានសមត្ថកិច្ចនគរបាលខេត្តកំពង់ចាម ចាប់ឃាត់ខ្លួន តាមបញ្ជារបស់ព្រះរាជអាជ្ញា.ពាក់ព័ន្ធកិច្ចសន្យាខ្ចីប្រាក់ផ្ទាល់មាត់.!។
ការឃាត់ខ្លួនប្ដីប្រពន្ធ១គូនេះ ធ្វើឡើង កាលពីល្ងាចថ្ងៃទី២៥.០៦.២០២៦ បច្ចុប្បន្ន អ្នកទាំង២ត្រូវបានបញ្ជូនខ្លួន ទៅកាន់តុលាការខេត្តកំពង់ចាម.!។
*សេចក្តីរាយការណ៍បានឱ្យ”ដើមរាំង”ដឹងថា ជនដែលរងការឃាត់ខ្លួន(ប្ដី)ឈ្មោះ ជ.ស រីឯ(ប្រពន្ធ)ឈ្មោះ ល.ម អ្នកទាំង២ មានទីលំនៅក្នុងក្រុងកំពង់ចាម ខេត្តកំពង់ចាម(ប្រកបមុខរបរលក់បាយ)។
មេធាវីម្នាក់បានប្រាប់”ដើមរាំង”ថា វិវាទមួយនេះកើតចេញពីការខ្ចីប្រាក់ ដោយផ្ទាល់មាត់ គ្មានកិច្ចសន្យាផ្ដិតមេដៃអ្វីទាំងអស់.បែរជាសមត្ថកិច្ចឃាត់ខ្លួនពួកគាត់ ក្នុងបទល្មើសព្រហ្មទណ្ឌទៅវិញ.!!។
ប្រភពដដែលបន្តថា ដំបូងឡើយប្រពន្ធឈ្មោះ ល.ម ជាអ្នកខ្ចីប្រាក់និងចងការប្រាក់ពីដើមបណ្ដឹង ខណៈបុរសជាប្ដីឈ្មោះ ជ.ស ពុំបានដឹងរឿងនិងពុំបានពាក់ព័ន្ធនោះឡើយ បែរជារងការឃាត់ខ្លួនដែរ។
ប្រភពបញ្ជាក់ថា ដើមបណ្ដឹង បានប្រគល់ប្រាក់មកឱ្យស្រ្តីជាប្រពន្ធ តាមរយៈធនាគារABA មិនមានកិច្ចសន្យាផ្តិតមេដៃ អ្វីជាមួយគ្នាឡើយ!។
ក្រោយមកមិនដឹងថា.ម្ចាស់ប្រាក់និងកូនបំណុលឈ្មោះ ល.ម មានរឿងអ្វីនឹងគ្នាស្រាប់តែសមត្ថកិច្ច ចុះមកឃាត់ខ្លួនទាំង២នាក់បែបនេះ.?។
បើតាមមេធាវី ការឃាត់ខ្លួននេះ គឺធ្វើឡើងយ៉ាងតក់ក្រហល់បំផុត! ទាំងដែលពុំមែនជាបទល្មើល(សែកស្អុយ)និងមិនធ្លាប់បានទទួលលិខិតកោះហៅសូម្បី១លើក.!។
បន្ថែមពីនេះ សមត្ថកិច្ចនគរបាលខេត្តកំពង់ចាម បានរិតត្បិតមិនឱ្យមេធាវី ចូលជួបកូនក្ដីទៀតផង.! ក្នុងនោះសូម្បីតែក្រុមគ្រួសារ ក៏ពិបាកក្នុងការជួបប្ដីប្រពន្ធខាងលើដែរ។
ពោលគឺ ហាក់បីដូចជា(ប្ដីប្រពន្ធ)១គូនេះ បានប្រព្រឹត្តបទឧក្រិដ្ឋ.ប្រឆាំងមនុស្សជាតិ កាប់សម្លាប់មនុស្ស ឬជួញដូរគ្រឿងញៀនធ្ងន់ធ្ងរណាស់អញ្ចឹង.?។
បច្ចុប្បន្ន សំណុំរឿងមួយនេះស្ថិតក្រោមការសាកសួរពីលោក ដួង សារ៉ន ព្រះរាជអាជ្ញារងខេត្តកំពង់ចាម!។
*ដើម្បីឱ្យមានចម្លើយទាំងសងខាងនៅរសៀលថ្ងៃទី២៨.០៦.២០២៦”ដើមរាំង”បានសុំការបំភ្លឺពីលោក ហេង វុទ្ធី ស្នងការខេត្តកំពង់ចាម.!ដោយលោកថ្លែងថា បើចង់ដឹងនីតិវិធីសុំសួរទៅខាងតុលាការ។
លោកស្នងការបន្តថា នគរបាលគ្មានសិទ្ធឃាត់ខ្លួនទេ.អ្នកបញ្ជាឲ្យឃាត់ខ្លួនគឺព្រះរាជអាជ្ញា….!។
ព្រះរាជអាជ្ញារងនិងជាអ្នកនាំពាក្យ អយ្យការអមសាលាដំបូង ខេត្តកំពង់ចាម និងជាអ្នកកាន់សំណុំរឿងផ្ទាល់បានថ្លែងប្រាប់”ដើមរាំង”ថា សំណុំរឿង១នេះ កំពុងស្ថិតក្នុងការស្រាវជ្រាវ.និងសាកសួរបន្ថែម ហេតុនេះ លោកពុំអាចផ្ដល់ព័ត៌មានច្រើនជាងនេះបានទេ.!។
*ទោះជាយ៉ាងណាក្តី មេធាវីការពារក្តីរួមនិងកូនៗរបស់(ប្ដីប្រពន្ធ)ខាងលើសុំស្នើយ៉ាងទទូចដល់ ឯកឧត្តម កែវ សុជាតិ ព្រះរាជអាជ្ញា នៃអយ្យការអមសាលាដំបូង ខេត្តកំពង់ចាម ឯកឧត្តម អ៊ុន ចាន់ដា អភិបាលខេត្តកំពង់ចាម ឯកឧត្តម កើត រិទ្ធ ឧបនាយករដ្ឋមន្ត្រីរដ្ឋមន្ត្រីក្រសួងយុត្តិធម៌ ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ មេត្តាពិនិត្យជួយអន្តរាគមន៍ដោះលែង(ប្ដីប្រពន្ធ)១គូនេះវិញ ដោយក្ដីអនុគ្រោះ.!។
ខណៈរឿងហេតុមួយនេះ ផ្ដើមចេញពីការជំពាក់លុយនិងរកស៊ីចងការប្រាក់ប៉ុណ្ណោះ ស្របពេលដែលភាគីជា(ប្ដី)នៅក្រៅសាច់រឿង និងក្រៅអង្គហេតុ៕
