នៅថ្ងៃទី២៨ ខែមិថុនា ឆ្នាំ២០២៦ អ្នកពន្លត់អគ្គីភ័យ៣នាក់បានស្លាប់ និង២នាក់ទៀតរងរបួស ខណៈកំពុងចូលពន្លត់ភ្លើងឆេះព្រៃនៅតំបន់ព្រំដែនរវាងរដ្ឋColoradoនិងUtah។
ប្រភពពីសារព័ត៌មានAP។
តាមសេវាពន្លត់អគ្គីភ័យ Wildland របស់សហរដ្ឋអាមេរិក អ្នកពន្លត់អគ្គីភ័យទាំងនេះបានចូលរួមប្រតិបត្តិការឆ្លើយតបចំពោះភ្លើងឆេះព្រៃ Knowles និង Gore។ អាជ្ញាធរបានសម្តែងការសោកស្តាយយ៉ាងខ្លាំង និងលើកសរសើរភាពក្លាហាន និងការលះបង់របស់ពួកគេ។
បច្ចុប្បន្ន ភ្លើងឆេះព្រៃកំពុងរីករាលដាលយ៉ាងខ្លាំងនៅភាគខាងលិចសហរដ្ឋអាមេរិក ដោយសារអាកាសធាតុក្តៅ ស្ងួត និងខ្យល់បក់ខ្លាំង៕
